Arsenal ត្រៀមលុយ 60លានអឺរ៉ូ សម្រាប់ដេញថ្លៃខ្សែបម្រើ Luka Modric ពេលបញ្ចប់រដូវកាលនេះ

ក្លឹបកាំភ្លើងធំ Arsenal ត្រៀមនឹងផ្ដល់លុយចំនួន 60លានអឺរ៉ូ ក្នុងការទិញខ្សែបម្រើ Luka Modric នៅក្នុងពេលបញ្ចប់រដូវកាលខាងមុខនេះ។

ក្នុងការរាយការណ៍របស់កាសែតកីឡាមួយបានអោយដឹងថា៖ ​ខ្សែបម្រើ Luka Modric កំពុងពិចារណាក្នុងការត្រលប់ទៅកាន់លីគកំពូល Premier League វិញនៅក្នុងរដូវកាលក្រោយនេះ ហើយក្លឹបចាស់របស់ខ្សែបម្រើរូបនេះគឺក្លឹបមាន់ខ្នាយមាស Tottenham Hotspur ក៏មានចំណាប់អារម្មណ៍ចង់បានខ្សែបម្រើសញ្ជាតិក្រូអាតរូបនេះត្រលប់ទៅកាន់ក្លឹបវិញដែរ។

ក្លឹបហង្សក្រហម Liverpool និងក្លឹបសេះបង្កង់ Juventus ក៏ចង់បានខ្សែបម្រើវ័យ 32 ឆ្នាំរូបនេះដែរ ប្រសិនបើរូបគេសម្រេចចិត្តចាកចេញពីក្លឹបអធិរាជសរ Real Madrid មែននៅក្នុងរដូវកាលក្រោយនេះ។ ប៉ុន្ដែឥលូវនេះក្លឹបកាំភ្លើងធំ Arsenal បានត្រៀមលុយ 60លានអឺរ៉ូ រួចរាល់ហើយសម្រាប់ការដេញថ្លៃ Modric ពេលបញ្ចប់រដូវកាលនេះ។