រថយន្ត July 19, 2019 lyda
Mazda2 ស៊េរីឆ្នាំ 2020 បង្ហាញមុខយ៉ាងស្រស់ស្អាត និងមានលក់ក្នុងទីផ្សារជប៉ុននៅខែកញ្ញានេះហើយ

ម៉ូដែលនេះពីមុនត្រូវបានគេហៅថា Demio នៅក្នុងប្រទេសជប៉ុន ហើយក្រោយមកវាក៏ត្រូវបានគេដាក់ឈ្មោះថា Mazda2 វិញ។ ស៊េរីថ្មីឆ្នាំ 2020 មួយនេះ ហាក់ដូចមានការធ្វើឱ្យប្រសើរឡើងទាំងក្រៅ និងខាងក្នុង ពីម៉ូដែលចាស់ជំនាន់ ទី4 ដែលបានចេញកាលពី ឆ្នាំ2014 ច្រើនមែនទែន។ វាគ្រោងនឹងចេញលក់នៅខែកញ្ញា ឆ្នាំ2019 នេះហើយក្នុងទីផ្សារជប៉ុន ជាមួយនឹងតម្លៃចាប់ពី 1,544,400យេន ឬ 14,345 ដុល្លារអាមេរិក។

Mazda2 ស៊េរីឆ្នាំ 2020 នេះមានបំពាក់ជាមួយនឹងចង្កៀងមុខជាប្រភេទ LED បូករួមបច្ចេកវិទ្យាដែលកាន់តែល្អប្រសើរជាងមុន ដូចជាមុខងារ៖ 360-degree monitor system, traffic sign recognition និង lane-keeping assist system ដែលសុទ្ធតែជាមុខងារសំខាន់ៗ។ លើសពីនេះទៅទៀត អ្នកបញ្ជាទិញនឹងអាចបញ្ជាទិញនូវមុខងារបន្ថែមដូចជា៖ heated steering wheel, six-way adjustable driver’s seat, radar cruise control, ក៏ដូចជា auto-dimming rearview mirror ខណៈប្រព័ន្ធព័ត៌មានកម្សាន្តរបស់វាអាចគាំទ្រទាំង Apple CarPlay និង Android Auto ៕

អត្ថបទ៖ លីដា