មានការភ្ញាក់ផ្អើល​បន្ទាប់ពី កុងទឺន័រចំនួន ៨៣ទូ រកឃើញសុទ្ធតែកាកសំណល់សំរាម នៅកំពង់ផែស្វយ័តក្រុងព្រះសីហនុ និងកាកសំណល់ ប្រមាណជាកុងទឺន័រចំនួន ៨៣ទូ ទម្ងន់​១៦០០​តោន នេះមានប្រភពមកពីសហរដ្ឋអាមេរិក និងកាណាដា។

អ្វីដែលគួរឲ្យភ្ញាក់ផ្អើលនៅថ្ងៃនេះ យោងតាមការបញ្ជាក់របស់ លោក គុណ ញឹម អគ្គនាយកនៃអគ្គនាយកដ្ឋាន​គយ និង​រដ្ឋាករ​កម្ពុជា បានថ្លែងប្រាប់សារព័ត៌មានក្នុងស្រុកមួយ ថា ក្រុមហ៊ុន​ចិនមានមូលដ្ឋាន​នៅកម្ពុជា ឈ្មោះ Chungyuen ជាអ្នកនាំចូលសំរាមទាំង៨៣កុងតឺន័រ ពី​សហរដ្ឋអាមេរិក និង​កា​ដា​ណា​។​

យ៉ាងណាមិញសម្រាប់ការបញ្ជូនទៅប្រភពដើមវិញក៏ត្រូវការពេលវេលា និងនីតិវិធី ហើយសមត្ថកិច្ចនឹងហៅក្រុមហ៊ុន ដើម្បីបញ្ជូនសំរាមត្រឡប់ទៅប្រភពដើមវិញ៕