អន្តរជាតិ November 8, 2019 lyda
សូមប្រុងប្រយ័ត្ន! ព្យុះទីហ្វុង Nakri និង Matmo នឹងបក់បោកលើប្រទេសមួយចំនួននៅតំបន់អាស៊ីអាគ្នេយ៍ចាប់ពីថ្ងៃនេះដល់ថ្ងៃអាទិត្យ

តំបន់ក្នុងអាស៊ីជួបព្យុះជាបន្តបន្ទាប់ បន្សល់នូវផលខូចខាតមិនទាន់ស្ដារអស់ផងឥឡូវមានព្យុះថ្មីមួយទៀតហើយ!​ សម្រាប់អ្នកដែលនៅលើកោះ Penang (ប៉េណាំង) នៃប្រទេសម៉ាឡេស៊ី ឬសម្រាប់អ្នកដែលមានគម្រោងធ្វើដំណើរកម្សាន្តនៅទីនោះក្នុងដំណើរកម្សាន្តចុងសប្តាហ៍ សូមផ្អាកសិនព្រោះថាអាកាសធាតុមិនអំណោយផលនោះទេ។ យោងតាម Sinar Harian និង Oriental Daily ឱ្យដឹងថា ប៉េណាំងនឹងប្រឈមមុខនឹងផលប៉ះពាល់នៃព្យុះទីហ្វុងចំនួនពីរ ដែលនឹងមានចាប់ពីថ្ងៃទី០៨ ខែវិច្ឆិកា ឆ្នាំ២០១៩ ដល់ថ្ងៃអាទិត្យ។

<

ក្នុងនោះផងដែរព្យុះទីហ្វុង Nakri នឹងបក់បោកចូលប្រទេសវៀតណាម នៅថ្ងៃសៅរ៍ទី០៩ ខែវិច្ឆិកា ២០១៩ ខណៈព្យុះទីហ្វុង Matmo នឹងវាយលុកប្រទេសមីយ៉ាន់ម៉ា និងបង់ក្លាដែសនៅថ្ងៃទី០៨ ខែវិច្ឆិកា ២០១៩។ បើមើលតាមរូបភាពកម្ពុជាក៏មានរងប៉ះពាល់ផងដែរ។ ព្យុះទាំង២ នឹងមិនធ្វើឱ្យប៉េណាំងមានការបាក់ដីនោះទេ មានន័យថាវានឹងទទួលរងលក្ខខណ្ឌអាកាសធាតុមិនល្អ ចាប់ពីថ្ងៃសុក្រដល់ថ្ងៃអាទិត្យដូចជា៖ ភ្លៀងធ្លាក់ខ្លាំង ខ្យល់ខ្លាំង និងព្យុះជាដើម។ ចំណែកកម្ពុជានឹងត្រូវរងឥទ្ធិពលពីព្យុះ Matmo ប៉ុន្តែមិនមានការបញ្ជាក់ថាប៉ះពាល់បែបណានោះទេ។ យ៉ាងណាក៏ដោយសូមមានការប្រុងប្រយ័ត្នជាមួយភ្លៀង ខ្យល់កន្ទ្រាក់ និងការធ្វើដំណើរលើទឹក៕

អត្ថបទ៖ លីដា