សូមប្រយ័ត្ន! អាកាសធាតុប្រែប្រួល តំបន់ខ្លះនឹងចុះត្រជាក់ដល់១៧អង្សា ចាប់ពីថ្ងៃនេះទៅ
ព័ត៌មានជាតិ January 14, 2020 Khmernote

យោងតាមការព្យាករណ៍របស់ក្រសួងធនធានទឹក និងឧតុនិយម បានឲ្យដឹងថា ជ្រលងសម្ពាធខ្ពស់នឹងរំកិលចុះមកក្រោម ជាមួយនឹងខ្យល់មូសុងឦសានមានឥទ្ធិពលបង្គួរលើកម្ពុជា ដែលស្ថានភាពបែបនេះធ្វើឲ្យមានការប្រែប្រួលអាកាសធាតុដូចខាងក្រោម៖

១-ចាប់ពីថ្ងៃទី១៥-១៧ ខែមករា៖ បណ្តាខេត្តនៅតំបន់ជួរភ្នំដងរែក និងខ្ពង់រាបឦសាន មានជាអាទិ៍ ខេត្តឧត្តរមានជ័យ ព្រះវិហារ រតនគិរី មណ្ឌលគិរី និងខេត្តប៉ៃលិន ធាតុអាកាសនឹងចុះត្រជាក់នៅពេលព្រឹកដោយសីតុណ្ហភាពអប្បបរមា មានពី ១៧-២០អង្សា និងសីតុណ្ហភាពអតិបរមា មានពី ២៩-៣២អង្សា។

២- តំបន់វាលទំនាបកណ្តាលមានសីតុណ្ហភាពអប្បបរមា មានពី ២០-២២អង្សា និងសីតុណ្ហភាពអតិបរមា មានពី ៣០-៣២អង្សា។

៣- តំបន់មាត់សមុទ្រមានសីតុណ្ហភាពអប្បបរមា មានពី ២៣-២៥អង្សា និងសីតុណ្ហភាពអតិបរមា មានពី ៣១-៣៣អង្សា។

អត្ថបទ៖ សេម